कात्तिक ३, भरतपुर।
चितवनमा प्रहरी हिरासतमा रहेका एक थुनुवाको मृत्यु भएको छ । इलाका प्रहरी कार्यालय रत्ननगर टाँडीको हिरासत कक्षमा रहेका एक थुनुवाको शनिबार बिहान मृत्यु भएको हो ।
मृत्यु हुनेमा रत्ननगर नगरपालिका–१३ बस्ने ४५ वर्षीय महमद क्यामोदिन हुन् । अपराधिक लाभ कसुरमा कात्तिक १ गते पक्राउ परेका उनी माथि अनुसन्धानका लागि पाँच दिनको म्याद थप गरिएकाे थियो ।
आज बिहान ४ः४५ बजे थुनुवा कक्षको बाथरुमको ढोका छेउमा घोप्टो अवस्थामा उनी फेला परेको जिल्ला प्रहरी कार्यालय चितवनका प्रवक्ता भेषराज रिजालले जानकारी दिए । उनले उपचारको लागि भरतपुर अस्पताल ल्याएकोमा चिकित्सकले ६ बजे मृत घोषणा गरेको बताए ।
मृतकको शवलाई भरतपुर अस्पतलाको शव गृहमा राखिएको छ ।
प्रतिकृया दिनुहोस्