चितवन ट्रक दुर्घटना अपडेट:च्यापिएका दुईजनाको मृत्यु,सनाखत हुन बाँकी

---

९ मंसिर,भरतपुर।

नारायणगढ–मुग्लिन सडकखण्डको नौकिलोमा चामल बोकेको ट्रक आफै अनियन्त्रित भएर पल्टिदा च्यापिएका  दुई जनाको मृत्यु भएको छ भने तीन जना घाइते भएका छन् ।

आइतबार साँझ ६:०५ को समयमा  नारायणगढबाट मुग्लिङतर्फ जाँदै गरेको बागमती प्रदेश ०३- ००१ ख ३४९० नम्बरको  ट्रक इच्छाकामना गाउँपालिका ६ नौकिलोमा सडक किनारमा पल्टिएको थियो । चामल बोकेको सो ट्रक पल्टिँदा दुई जनाको च्यापिएर मृत्यु भएको र तीन जनाको उद्धार गरिएको जिल्ला प्रहरी कार्यालय चितवनका डिएसपी ज्ञान कुमार महत्तोले जानकारी दिए ।

च्यापिएर मृत्यु भएकाहरुको सनाखत हुन बाँकी रहेको डिएसपी महत्तोको भनाई छ।मृत्यु हुनेमा  हाल नाम थर पहिचान नखुलेको बर्ष अन्दाजी .३०।३५ को पुरुष रहेको बताइएको छ।उनको भरतपुर अस्पतालमा राति  करिब १० बजे मृत्यु भएको जनाइएको छ।यसैगरी मृत्यु हुनेमा अर्का हाल नाम थर पहिचान नखुलेको बर्ष अन्दाजी २५।३० को पुरुष रहेको बताइएको छ।उनलाई  सोही समयमा भरतपुर अस्पतालले मृतक घोषणा गरेको जनाइएको छ।

चितवन प्रहरीका अनुसार ट्रकमा सवार बाँकी तीन जनाको अस्पतालमा उपचार भइरहेको छ। एक जना जिल्ला मकवानपुर मकवानपुरगढी गा.पा.६ बस्ने वर्ष २७ को सुसन बि.क.को शकुसल भनिएकोमा शरिरको बिभिन्न भाग दुखेकाले उपचारको लागि नयाँ मेडीकल कलेज भरतपुर पठाईएको छ।यस्तै अहिले दुर्घटना पछि बाटो भने दुई तर्फिनै सुचारु छ।

घाइतेहरुको  नामावली:

१.सह-चालक जि.रामेछाप घर बताउने बर्ष २१ को मान बहादुर वि.क.को दाँहिने खुट्टा फ्याक्चार भएको, टाउकोमा चोट अवस्था मध्यम (एलाईभ अस्पताल भरतपुरमा उपचार भइ रहेको)

२.मकवानपुर हटौडा उ.म.न.पा १८ बस्ने बर्ष अन्दाजी ६०।६५ को दल ब.कोइरालाको शरिरको बिभिन्न भागमा चोट अवस्था मध्यम (नयाँ मेडीकलमा उपचार भइ रहेको)