मंसिर १०,भरतपुर।
चितवनमा पिकनिक खाएर फर्कँदै गरेको स्कुल बस दुर्घटनामा घाइते भएकामध्ये एक जनाको मृत्यु भएको छ ।
पुरानो मेडिकल कलेज भरतपुरमा गम्भीर अवस्थामा उपचार गराइरहेका कालिका नगरपालिका-३ बस्ने सावित्री पोखरेलका-८ वर्षका छोरा आराम्भ पोखरेलको आज बिहान साढे ५ बजे मृत्यु भएको जिल्ला प्रहरी कार्यालय चितवनका डीएसपी ज्ञानकुमार महतोले जानकारी दिए ।पोखरेल सोही विद्यालयका प्राचार्य लक्ष्मी प्रसाद पोखरेलका छोरा हुन्।
शनिबार कालिका-४ स्थित चित्रवन स्कुलको मधेश प्रदेश ०३–०११ क २६७७ नम्बरको बस पिकनिक खाएर फर्किँदै गर्दा साँझ कालिका-९ को द्रव्यटारमा दुर्घटनामा परेको थियो । उक्त दुर्घटनामा २८ जना घाइते भएका थिए भने दुई जनाको अवस्था गम्भीर थियो । घाइते मध्ये छ जनाको उपचार जारी छ भने अन्य घाइतेहरु डिस्चार्जपछि घर फर्किएका छन् ।
उपरदाङगढी गएर फर्कने क्रममा ब्रेक फेल भई विद्यार्थी बोकेको बस द्रव्यटारमा दुर्घटनामा परेको हो । पिकनिक र स्काउट कार्यक्रमका लागि विद्यार्थी त्यहाँ पुगेका थिए।
प्रतिकृया दिनुहोस्