अम्मर ज्योती सामुदायिक वनकाे अध्यक्षमा तिनजनाको उम्मेदवारी

---

९ पुस , भरतपुर ।

अम्मर ज्योती सामुदायिक वनको अध्यक्ष पदमा यमनाथ बास्ताकोटी , टिकाराम देवकोटा र कान्ता पोख्रेल पण्डीत विच प्रतिस्प्रर्धा हुने भएको छ । देवचुली १,२,४ र ५ वडामा पर्ने वनको लागि अध्यक्ष पदका लागि मात्र चुनाव हुने भएको हो ।

पौष १३ गते हुने चुनावका लागि अध्यक्ष पदमा समझदारी हुन नसके पछि एक पदका लागि मात्र चुनाव हुन लागेको निर्वाचन संयोजक सूर्य प्रसाद पौडेलले जानकारी दिए ।

उनका अनुसार खुल्ला उपाध्यक्षमा होमबहादुर दरै, सचिवका लागि अनिता बगाले, कोषाध्यक्षका लागि हिमाकुमारी सारु थापा, खुल्ला सहसचिवका लागि गणेशबहादुर विश्वकर्मा, ब्लक १ खुल्ला सदस्यामा खिमलाल उपाध्याय,महिला सदस्यमा सितादेवी गौतम,ब्लक २ खुल्ला सदस्य शिव घिमिरे,महिला सदस्यमा दिव्यकला तिमल्सेना,ब्लक ३ खुल्ला सदस्यमा प्रमेश श्रेष्ठ, महिला सदस्यमा उषा थापा मगर, खुल्ला सदस्यमा शम्सेरबहादुर अधिकारी,ढुण्डीराज केसी, महिला सदस्य अमृता गैरे निर्विरोध चयन भएका छन् ।

यता अध्यक्ष पदका लागि कुनै समझदारी नभए पछि यमनाथ बस्ताकोटी , टिकाराम देवकोटा र कान्ता पोख्रेल पण्डीत विच चुनाव हुन लागेको हो ।