साैराहामा जारी हात्ती महाेत्सवमा विजुलीकली बनिन् हात्ती सुन्दरी
१२ पाैष ,भरतपुर ।
हात्ती सुन्दरी प्रतियोगिताको उपाधि बिजुलीकलीले जितेकि छिन् ।साैराहामा जारी चितवन हात्ती तथा पर्यटन महाेत्सवकाे दाेस्राे दिन भएकाे हात्ती सुन्दरी प्रतियाेगितामा विजुलीकलीले अन्य सहभागी हात्तीलाइ पछि पार्दै हात्ती सुन्दरीकाे ताज पहिरिन सफल भएकि छिन् ।
२५ वर्षिया ‘बिजुलीकली’ले कुल ३०० पूर्णाङ्कमा २२२ सर्वाधिक अंक ल्याएकाे महोत्सवका खेलकुद संयोजक ऋषि तिवारीले बताए।उनका अनुसार आनीबानी, सरसफाइ, हिँडाइ, श्रृङ्गार, आँखाको सुन्दरता, ,शाररिक संरचना , माउतेप्रतिकाे अनुशासन, रौँको अवस्था ,नङ हेरेर प्रतियाेगिताकाे मुल्याङकन गरिएकाे थियाे ।
बागमारा सामुदायिक वनको चौरमा विहिबार देखि १८ औँ संस्करणकाे चितवन हात्ती तथा पर्यटन महाेत्सव सुरू भएकाे छ । महाेत्सवमा ८० हात्ती सहभागी छन् । महाेत्सवलाइ शहरी विकास मन्त्री प्रकाशमान सिंहले बिहिबार समुद्घाटन गरे।
प्रतिकृया दिनुहोस्