११ फागुन , माडी।
माडी क्याम्पसलाई बागमती प्रदेश विश्वविद्यालयको आंगिक क्याम्पस बनाउन विभिन्न प्रयासहरु भएपनि हालसम्म पनि आधिकारीक टुङ्गो लाग्न सकेको छैन ।
माडी क्याम्पसलाई बागमती प्रदेश विश्वविद्यालयको आंगिक क्याम्पस बनाउन सके क्याम्पस प्रशासनलाई आर्थिक बोझबाट मुक्त हुने र प्राविधिक धारका कक्षाहरु सञ्चालन हुने भएकोले केहि पक्षहरुबाट यसको समर्थनमा पहलहरु भैरहेका छ ।
तर, माडी क्याम्पसको सम्पुर्ण भौतिक तथा प्रशासनिक स्वामीत्व बागमती प्रदेश विश्वविद्यालयलाई सुम्पिएर, नेपालको सबैभन्दा पुरानो र ठुलो विश्वविद्यालय त्रिभुवन विश्वविद्यालयको सम्बन्धन तोड्न नहुने केहिको तर्क छ । विद्यार्थीहरु विच सर्वेक्षण गरेपछि मात्र उक्त पाठ्यक्रम सञ्चालन गर्ने विषयमा निर्णय गर्नुपर्ने विचारहरु व्यक्त भएका छन् । माडी क्याम्पसको सभाहलमा आज आइतबार सम्पन्न शैक्षिक अन्तरक्रिया कार्यक्रममा सो कुराहरु उठेको हो ।
माडी क्याम्पस बागमती विश्वविद्यालयको आंगिक क्याम्पस बनेको खण्डमा प्लस टु (१०+२) तहको कक्षा सञ्चालन बन्द हुनेछ भने त्रिभुवन विश्वविद्यालयको सम्बन्धन तोडिनेछ ।
त्यस्तै, माडी क्याम्पसको सम्पुर्ण भौतिक सम्पत्ति बागमती विश्वविद्यालयको स्वामित्वमा जानेछ । माडी क्याम्पसको प्रशासनिक खर्च, भौतिक पुर्वाधार, प्रध्यापक छनौट लगायतको सम्पुर्ण खर्च प्रदेश विश्वविद्यालयको जिम्मा लिनेछ । यसबाट क्याम्पस प्रशासन भने आर्थिक भारको जिम्माबाट मुक्त हुनेछ ।
प्रतिकृया दिनुहोस्