पाठकको १२ औँ दिनको पुण्य तिथिमा भएको खुल्ला रक्तदान कार्यक्रममा सय बढीले गरे रक्तदान

---

१८ फाल्गुन ,माडी ।

रश्मिता रिजाल

माडीका संचारकर्मी भुपराज पाठकको १२ औँ दिनको पुण्य तिथिमा गरिएको खुल्ला रक्तदान कार्यक्रममा सय बढीले रक्तदान गरेका छन् । आईतबार उनकै घरमा  बिहान करिब ८ बजेदेखि शुरू भएको खुल्ला रक्तदानमा ११० जनाले रक्तदान गरे ।

ब्लड डोनर्स सोसाइटी नेपाल र नेपाल रेडक्रस सोसाइटीको आयोजनामा रक्तदान कार्यक्रम  गरिएको ब्लड डोनर्स सोसाइटी नेपाल का अध्यक्ष अर्जुन अधिकारी ले बताए।उनका अनुसार रक्तदान कार्यक्रम मा नयाँ रक्तदाताहरु को उत्साहजनक उपस्थिति थियो । रक्तदान गर्नेमा धेरै जसो युवा हरु को सक्रियता रहेको र माडीका विभिन्न कलेजका विद्यार्थीहरुले रक्तदान गरेको अधिकारीको भनाइ छ ।

खुल्ला रक्तदान कार्यक्रममा माडी नगरपालिकाका प्रमुख ताराकाजी महत्तो प्रदेश युवा परिषद् चितवनको अध्यक्ष रामचन्द्र लम्साल ,ब्लड डोनर्स सोसाइटीका सल्लाहकार अर्जुन भुसाल, नेपाल रेडक्रस सोसाइटी बघौडा उपशाखा का सभापति रामबन्धु पोखरेलको उपस्थिति रहेको थियो ।

रगतको अभाव ले कसैको पनि ज्यान नजाओस् भनेर ब्लड डोनर्स साेसाइटी ,रेडक्रस जस्ता संस्था ले मृत्यु सस्कार देखि विभिन्न ठाउँ मा रक्तदान कार्यक्रम गर्दै आएको छ।

माडी घर भएका संचारकर्मी एवं शिक्षक भूपराज पाठकको क्यान्सर रोगबाट गत फागुन ७ गते मृत्यु भएको थियो।