१८ फाल्गुन,माडी।
चितवनमा दूधको उत्पादन र बजारीकरणबारे छलफल अन्तरक्रिया गरिएको छ।
आईतबार चितवनस्थित माडीमा भैरवी दुग्ध उत्पादक सहकारी संस्था लिमिटेडको आयोजना तथा राष्ट्रिय व्यवसायीक पशुपालक दूध उत्पादक कृषक समाज माडीको सहकार्यमा ‘गौरवको आयोजनाः खोरेतमुक्त सेतो माडी’ विषयमा छलफल गरिएको छ।
कार्यक्रममा बागमती प्रदेशका शिक्षा, स्वास्थ्य तथा कृषि समिति सभापति ठाकुर प्रसाद ढकाल, माडी नगरपलिकाकाे नगर प्रमुख तारा कुमारी काजि महताे, माडीका वडाध्यक्षहरू कृषि तथा पशु विज्ञ, दुग्ध विज्ञ, कृषक एवं जनप्रतिनिधिहरू लगायत समाजिक व्यक्तित्वहरूकाे उपस्थिती रहेकाे थियाे ।
कृषि विज्ञ डा. भानेश्वर पोख्रेल र दुग्ध उत्पादक सहकारी संघ, चितवनका अध्यक्ष किशोर बगालेले “गौरवको आयोजना सेतो माडी” विषयमा कार्यपत्र प्रस्तुत गरे।
यस्तै टिप्पणीकर्तामा दुग्ध उत्पादक सहकारी संघका केन्द्रीय उपाध्यक्ष भागिरथ तिमिल्सिना रहेका थिए।
माडी भिलेज रिसाेर्टमा सम्पन्न उक्त कार्यक्रममा माडी क्षेत्रमा दुग्ध उत्पादन, विविधिकरण र बजारीकरणलाई सदृढ गर्दै किसानहरूलाई समयमा उचित भुक्तानी तथा मूल्य प्रदान गरी दूधमा आत्मनिर्भर बनाउने लक्ष्यसहित दुग्ध उद्योग संचालन गर्ने योजनाका लागि साे छलफल कार्यक्रम केन्द्रित भएकाे थियाे ।
प्रतिकृया दिनुहोस्