बिजुलीको पोल बोकेको ट्याक्टरबाट लडेर चितवनमा एक जनाको मृत्यु

---

राप्ती, चैत ११

चितवनको राप्ती नगरपालिका–१२ कपता भञ्ज्याङमा बिजुलीको पोल बोकेको ट्याक्टरबाट लडेर एक जनाको मृत्यु भएको छ ।

हिजाे सांझ  ७ बजे लोथर खोलाबाट राप्ती–१२ बोक्राङतर्फ बिजुलीको पोल लिएर जाँदै गरेको ग १ त ४५८४ नम्बरको ट्याक्टरको पछाडि ढालामा पोल माथि बसेका राप्ती–१२ बोक्राङ बस्ने वर्ष ३९ को रबिन प्रजा अचानक खस्दा  प्रजाकाे घटनास्थलमा नै ज्यान गएकाे हाे ।

ट्याक्टर चालक मकवानपुर राक्सिराङ गाउँपालिका–६ बस्ने वर्ष ३७ को सन्त थिङ फरार रहेको इलाका प्रहरी कार्यालय भण्डाराले जनाएकाे छ। ट्याक्टर चालकको खोजी कार्य भइरहेको समेत प्रहरीले जानकारी दिएकाे छ ।

ट्याक्टर धनी भने प्रहरीको सम्पर्कमा आएका छन् ।