चितवनमा आज गठबन्धनको आमसभा, प्रधानमन्त्री देउवासंगै, प्रचण्ड, बाबुरामले सम्बोधन गर्ने

चितवन, कात्तिक २६

लोकतान्त्रिक बाम गठबन्धनको विशाल आमसभा आज दिउँसो भरतपुरमा हुँदैछ । भरतपुरस्थित गेष्टहाउस चौरमा दिउँसो १२ः३० बजेदेखि आमसभा सुरु हुने नेपाली कांग्रेस चितवनका सभापति राजेश्वर खनालले जानकारी दिए । उनका अनुसार आमसभामा गठबन्धनका शीर्ष नेताहरुले सम्बोधन गर्नेछन् ।

यस्तै नेकपा (माओवादी केन्द्र) चितवनका अध्यक्ष रामचन्द्र अधिकारीले माओवादीका सबै तहतप्काका नेता कार्यकर्ताहरुलाई आमसभामा सहभागि हुन आह्वान गरिएको बताए । उनले आज हुने आमसभा भव्य र व्यवस्थित हुने बताए ।

नेकपा (एकीकृत समाजवादी) चितवनका उपाध्यक्ष अरुणपीडित भण्डारीले आफ्नो पार्टीको तर्फबाट पनि सबैमा निमन्त्रणा गरिएको बताए ।