चितवन । राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष एवम् पूर्वमन्त्री विक्रम पाण्डेले मेघौलीबाट मतदान गर्नुभएको छ। चितवन क्षेत्र नं.३ बाट प्रतनिधिसिभामा प्रत्यक्षतर्फका उमेदवारसमेत रहनुभएका नेता पाण्डेले भरतपुर–२७ स्थित जानकी माध्यमिक विद्यालय मतदान केन्द्रबाट मतदान गर्नुभएको हो।
नेता पाण्डेले बिहान करिब ७ः३० बजे मतदान गर्नुभएको हो। मतदान गरिसकेपछि नेता पाण्डेले यसपटकको निर्वाचन यसअघिका भन्दा विशेष रहेको बताउनुभयो। जनताको चाहनाअनुसारको योग्य र क्षमतावान् नेतृत्व चुन्ने समय नै यसपटकको निर्वाचन भएको उहाँले बताउनुभयो।
यसपटकको निर्वाचनबाट जनताले विकासवादी र राष्ट्रवादी नेतृत्वको जीत हुने उहाँले दाबी गर्नुभयो। आम मतदातालाई पनि ढुक्क भएर मतदानकार्यमा सहभागी हुन उहाँले आग्रह गर्नुभयो। नेता पाण्डेले २०७० सालमा भएको दोस्रो संविधानसभाको निर्वाचनमा तत्कालीन चितवन–५ बाट चुनाव जित्नुभएको थियो। त्यतिखेर उहाँ दुई पटकसम्म मन्त्रीसमेत बन्नुभएको थियो।
प्रतिकृया दिनुहोस्