चितवन ,१४ साउन
सन् २०२० मा सामाजिक सञ्जालमा कन्टेन्ट निर्माण सुरु गरेका चितवनको भरतपुर निवासी मनोज कँडेल आज नेपाली डिजिटल कन्टेन्ट क्षेत्रमा परिचित नाम बन्दै गएका छन्। सुरुका दिनहरू सहज थिएनन्। सीमित स्रोत, कम दर्शक र अनिश्चित भविष्यका बीच उनले निरन्तर प्रयासलाई भने कहिल्यै रोकिएनन्।
कोभिड–१९ महामारीको समयमा धेरै युवाले सामाजिक सञ्जालतर्फ आकर्षण देखाइरहेका बेला मनोजले पनि आफ्नो सिर्जनात्मक क्षमता प्रस्तुत गर्ने माध्यमका रूपमा डिजिटल प्लेटफर्म रोजे। सुरुमा उनका भिडियोहरूले अपेक्षाकृत कम दर्शक पाए। कतिपय भिडियोले निकै कम भ्युज पाए पनि उनले नियमित रूपमा नयाँ सामग्री निर्माण गर्ने क्रम जारी राखे।
अध्ययनलाई निरन्तरता दिँदै उनले कन्टेन्ट निर्माणलाई पनि सँगै अघि बढाए। पढाइ र भिडियो निर्माणबीच समय मिलाउनु सजिलो थिएन। तर दुवैलाई सन्तुलनमा राख्दै उनले आफ्नो डिजिटल यात्रालाई निरन्तरता दिए।
मनोजका अनुसार डिजिटल क्षेत्रमा सफलता एकै दिनमा प्राप्त हुँदैन। त्यसका लागि निरन्तरता, धैर्यता र नयाँ विषयमा काम गर्ने इच्छाशक्ति आवश्यक हुन्छ। यही सोचका साथ उनले हरेक दिन नयाँ कन्टेन्ट तयार गर्ने बानी विकास गरे। यही निरन्तरताले विस्तारै दर्शकको विश्वास जित्न सहयोग पुग्यो।
हाल मनोज १ लाख ६८ हजारभन्दा बढी फलोअर र १ करोडभन्दा बढी लाइकसहित सक्रिय छन्। उनका धेरै भिडियोहरूले लाखौँ दर्शकसम्म पहुँच बनाएका छन् भने एउटा भिडियोले मात्र १ करोड २० लाख ९१२ मिलियन भन्दा बढी भ्युज प्राप्त गरेको छ।
टिकटकसँगै उनले युट्युब पनि सञ्चालन गर्दै आएका छन्। युट्युब यात्रा भने टिकटकजस्तो सहज रहेन। नियमित रूपमा भिडियो सार्वजनिक गर्दा पनि अपेक्षाअनुसार दर्शक नपाउने, भिडियोहरू कम हेरिने तथा च्यानल विस्तार गर्न लामो समय लाग्ने चुनौती उनले सामना गरे। तर ती कठिनाइका बीच पनि उनले युट्युबमा सामग्री निर्माण रोकिएनन्। निरन्तर प्रयासकै परिणामस्वरूप च्यानलले विस्तारै आफ्नै दर्शक समुदाय बनाउन थालेको छ।
फेसबुक पेजमार्फत पनि उनी सक्रिय छन्, जहाँ ९५ हजारभन्दा बढी फलोअर रहेका छन्। विभिन्न सामाजिक सञ्जालमा सक्रिय उपस्थितिले उनलाई फराकिलो दर्शक समुदायसँग जोडेको छ।
मनोजका कन्टेन्टहरू दैनिक जीवन, पारिवारिक परिवेश र नेपाली समाजका सामान्य घटनालाई हास्य शैलीमा प्रस्तुत गर्ने भएकाले दर्शकमाझ लोकप्रिय बनेका छन्। उनका भिडियोहरूले धेरै युवालाई डिजिटल क्षेत्रमा सिर्जनात्मक रूपमा अघि बढ्न प्रेरित गरेको प्रतिक्रिया सामाजिक सञ्जालमा देखिने गरेको छ।
पाँच वर्षभन्दा बढी समयदेखि निरन्तर सक्रिय मनोज कँडेल आगामी दिनमा अझ गुणस्तरीय र मौलिक सामग्रीमार्फत नेपाली दर्शकमाझ नयाँ प्रस्तुति ल्याउने तयारीमा छन्।
प्रतिकृया दिनुहोस्