चितवनमा बाघको आक्रमण: एक व्यक्ति र गाई घाइते

---

चितवन, साउन ३१ 

चितवनको राप्ती नगरपालिका–१, डिपाट बस्तीमा बाघको आक्रमणबाट एक जना घाइते भएका छन्।

आज बिहान करिब ६स्४० बजे बस्तीमा आएको बाघले राप्ती नगरपालिका–१ निवासी ६० वर्षीय ठाकुर अधिकारीलाई आक्रमण गर्दा उनको तिघ्रामा सामान्य चोट लागेको हो।

घाइते अधिकारीको भरतपुर सरकारी अस्पतालमा उपचार भइरहेको छ। सोही स्थानकी दिलाकुमारी तामाङको गोठमा बाँधिएको जर्सी गाईलाई समेत बाघले आक्रमण गरी सामान्य घाइते बनाएको जनाइएको छ।

बाघलाई नियन्त्रणमा लिन चितवन राष्ट्रिय निकुञ्जबाट हात्तीसहितको टोली घटनास्थलमा पुगेको छ।

टोलीले बाघलाई नियन्त्रणमा लिने प्रयास गरिरहेको छ।