८ भदौ ,चितवन ।
बागमती प्रदेशका मुख्यमन्त्री किरण थापा मगरले आज प्रदेश सभाबाट विश्वासको मत लिँदैछन्। विश्वासको मत लिनका लागि आज दिउँसो १ बजे प्रदेश सभा बैठक बोलाइएको छ।
संविधानको धारा १६८ को उपधारा ९४० बमोजिम विश्वासको मत लिन लागेका मुख्यमन्त्री थापामगरलाई सत्ता साझेदार नेकपा र एमालेले आफ्ना प्रदेशसभा सदस्यलाई पक्षमा मतदान गर्न ह्विप जारी गरेका छन्।
सरकारलाई समर्थन गरेको राप्रपाभित्र भने विवाद कायमै छ। राप्रपाकी प्रमुख सचेतक कुमारी तामाङले विश्वासको मतको विपक्षमा मतदान गर्न निर्देशन दिएकी छन् भने सरकारमा सहभागी राप्रपा पक्षले उनलाई सचेतकबाट हटाइसकेको दाबी गरेको छ।
नेकपा एमाले, नेकपा र राप्रपाको समर्थनमा थापा मगर गत ४ भदौमा बागमतीको मुख्यमन्त्री नियुक्त भएका थिए। विश्वासको मतका क्रममा राप्रपाका १२ प्रदेशसभा सदस्यको भूमिका निर्णायक मानिएको छ।
प्रतिकृया दिनुहोस्