१२ साउन , चितवन
पूर्वी चितवनको कालिका नगरपालिकामा पर्ने पदमपुर क्षेत्रमा लो भोल्टेजका कारण स्थानीयलाइ सास्ती हुन थालेकाे छ । लो भोल्टेजका कारण जनजिवननै प्रभावित भएपछि नेपाल विद्युत प्राधिकरण रत्ननगर टाँडी वितरण केन्द्रलाई शुक्रबार ध्यानाकर्षण गराइएको हाे । जनप्रतिनिधिसहितको एक टोलीले तत्काल समस्या समाधान गर्न माग गर्दै ज्ञापन पत्र बुझाएको छ।
बागमती प्रदेशका सांसद कृष्णप्रसाद सिलवाल, कालिका नगरपालिकाका प्रमुख विनोद रेग्मी, वडाध्यक्षहरु लक्ष्मण पौडेल, मकरमान श्रेष्ठ, निर्वतमान वडाध्यक्ष टीकाराज रिजाललगायत पदमपुर क्षेत्रका स्थानीयवासीको समूहले आज लो भोल्टेजको समस्याबारे प्राधिकरण पुगेरै ध्यानाकर्षण गराएको हो ।
प्राधिकरणका प्रमुख चौधरीले लो भोल्टेजको समस्या राष्ट्रियरुपमै रहेकोले समस्या सामधानको लागि स्थानीय स्तरमा गर्नुपर्ने सबै गरिएको बताए । राप्तीको हर्दीस्थित १३२ केभी प्रसारण लाइनको सबस्टेशनबाट ११२ केभी मात्र तथा पर्साको १३३ केभी प्रशारण लाइनबाट १२२ केभी मात्र विद्युत सप्लाई हुँदा लो भोल्टेजको समस्या आएको प्रमुख चौधरीले जानकारी दिए ।
लो भोल्टेजको समस्या सामधानको लागि प्रशारण लाइनको दुरी कम गरी दुबै सब स्टेशनलाई एकअर्कामा जोडेर विद्युत सप्लाईलाई सन्तुलनमा ल्याउने चौधरीले जानकारी दिए । पूर्णरुपमा सन्तुलनमा ल्याउन अझै तीन वर्ष समय लाग्ने समेत उनको भनाइ थियो ।
कालिका नगरपालिकाको वडा नं. २, ३, ४, ५ मा लो भोल्टेजको कारण स्थानिय बढी मारमा परेका हुन् ।
प्रतिकृया दिनुहोस्