स्कुटर र बस चाेरी गरेकाे आरोपमा २ किशाेर पक्राउ

---

चितवन,मंसिर २५ – बस चोरी गरेको आरोपमा  किशोर पक्राउ परेका छन्। पोखराबाट आफैले बस चलाएर ल्याउँदै गरेकाे अवस्थामा  चितवनको आँपटारीबाट तनहुँ जिल्ला म्याग्दे गाउँपालिका वडा नम्बर ३ बस्ने १७ वर्षिया किशोर पक्राउ गरिएको जिल्ला प्रहरी कार्यालय कास्कीका प्रहरी प्रवक्ता  श्रवणकुमार विकले ले जानकारी दिनुभयाे ।

पोखराको पृथ्वीचोकमा पार्किङ गरेर राखेको ग.१ ख. ९६३८ नम्बरको बस मंसिर २२ गते शुक्रबार हराएको थियो।

यस्तै  स्कुटर चोरी गरेको आरोपमा अर्का एक किशोरलाई पनि प्रहरीले पक्राउ गरेको छ। पोखराका दुई छुट्टाछुट्टै ठाउँमा पार्किङ गरेर राखेको स्कुटर चोरी गरेको आरोपमा कास्की प्रहरीले बागलुङ निवासी  पोखरा–१६ का १७ वर्षीय किशोरलाई पक्राउ गरेको हो।