चितवन, चैत १७
राष्ट्रिय प्रजातन्त्र पार्टी(राप्रपा)का प्रवक्ता एवं संघिय सांसद ज्ञानेन्द्र शाहीले गणतन्त्रका मतियारहरुले देश बेच्न लागिपरेको बताउनुभएको छ ।
राप्रपा चितवन क्षेत्र नं १ ले आयोजना गरेको क्षेत्रिय बिशाल आमसभालाई आज सम्बोधन गदैं प्रवक्ता शाहीले आफु र आफ्नो पार्टी हालका गृहमन्त्री रवि लामिछानेले नेकपा एमालेका नेता लक्ष्मी महतो कोइरीलाई पक्राउ गरेर देखाउन सकेको खण्डमा समर्थन गर्न तयार रहेको बताउनुभयो ।
प्रवक्ता शाहीले बालकुमारी घटनामा संग्लन दोषीहरुलाई ७२ घण्टाभित्र या ७२ दिनभित्र पक्राउ गरेर देखाउन गृहमन्त्री लामिछानेलाई चेतावनी दिनुभएको छ ।ठुलठुला भ्रष्टाचारीहरु गृहमन्त्रीकै वरिपरि रहेको तर्क गर्दै देश लुट्ने धमिराहरुलाई तत्काल प्रकाउ गर्न समेत जोड दिनुभएको छ ।
देशमा एमसीसी भित्र्याउन लागिपरेका नेताहरु अहिलेपनि भ्रष्टाचार र स्वार्थको घेराभित्र रहेको सांसद शाहीको भनाई छ ।
प्रतिकृया दिनुहोस्