चितवनमा म्याजिक र ई- स्कुटर ठक्कर खाँदा ३ जना घाइते

---

२२ कार्तिक,भरतपुर।

चितवनको कालिका नगरपालिका-५, विराटचोक स्थित भित्री सडकखण्डमा म्याजिक र ई-स्कुटर ठक्कर खाँदा तीन जना घाइते भएका छन्। स्थानीय समय अनुसार बुधबार दिउँसो १२:५० बजे बा.प्र.०६-००१ज ०१७१ नम्बरको म्याजिक र ई-स्कुटर एक-अर्कासँग ठोक्किएपछि दुर्घटना भएको हो।

दुर्घटनामा ई-स्कुटरमा सवार दुई जना र म्याजिकमा सवार एक जना गरी तीन जना घाइते भएका छन्। हाल सबै घाइतेहरूको भरतपुरस्थित मनकामना अस्पतालमा उपचार भइरहेको जिल्ला प्रहरी कार्यालय चितवनका प्रवक्ता भेषराज रिजालले जानकारी दिए।उनका अनुसार दुर्घटनापछि दुबै सवारी साधन र म्याजिकका चालक ४१ वर्षीय विनोद श्रेष्ठलाई प्रहरीले नियन्त्रणमा लिएको छ।

घाइतेहरूमा ई-स्कुटर चालक ४२ वर्षीया चण्डिका घिमिरे, स्कुटर पछाडि सवार ३५ वर्षीया अमृता मरहट्ठा, र म्याजिकमा सवार ४९ वर्षीया लिला भण्डारी रहेका छन्। घाइतेहरूको स्वास्थ्य अवस्था मध्यम रहेको प्रहरीले जनाएको छ।