रत्ननगर नगरपालिकाकाे १६औं नगर सभा(हिउँदे अधिवेशन): चालूकाे बजेट पुँजीगतमा रकमान्तर

---

२१ पुस , रत्ननगर ।

रत्ननगर नगरपालिकाको १६औँ  नगरसभाले ११ वटा विध्यक पारित गरेकाे छ । १६औँ अधिवेशनले यस आर्थिक वर्ष को ११ वटा ऐन, विधेयक, कार्यविधि तथा प्रतिवेदन पारित गरेको हाे।

यस्तै सम्पन्न सभाले यस वर्षकाे आर्थिक ऐनकाे पहिलो संशोधन प्रस्ताव सर्वसम्मतले  पारित गरेको छ । यसैगरी सभाले यस वर्षकाे विनियोजन ऐनको संशोधन प्रस्ताव पारित गर्दै एक करोड ५२ लाख रुपैयाँ चालूमा रहेको रकम पुँजीगतमा रकमान्तर समेत गरेको छ ।

यसैगरी रत्नगर नगरसभाले अनुगमन समितिको प्रतिवेदन ,वन्यजन्तुको पर्यटकीय राजधानी घोषणासम्बन्धी प्रस्ताव–२०८१ ,सार्वजनिक निजी साझेदारीसम्बन्धी संशोधन विधेयक,सुशासन समितिको प्रतिवेदन, लेखा समितिको प्रतिवेदन र नगरसभा गृह सञ्चालनसम्बन्धी कार्यविधि–२०८१, ओ एण्ड एम सर्वेक्षण प्रतिवेदन–२०८० को संशोधन प्रस्ताव समेत सर्वसम्मत पारित भएको नगर प्रवक्ता कुलप्रसाद सापकोटाले जानकारी दिए ।