बेटर चितवनले चिया फर च्यारिटि गर्दै

---

चितवन,६ पुस – चितवनमा क्रियाशिल सामाजिक संस्था बेटर चितवनले  चितवनको नारायणी नदी किनारमा गरिब तथा बिपन्न बालबालिकालाई  सहयोग गर्न चिया फर च्यारिटिको आयोजना गर्दैछ।

भोलि शनिबार दिउँसो १ बजेदेखि सुरु हुने कार्यक्रममा चिया र चटपट बिक्री गरीने बताइएको छ । बिक्रि गरि  उठेको रकमबाट संस्थाको नियमित  छात्रवृत्ति कार्यक्रम अन्तर्गत  उपहार न्यानो माया र भाग्य बोक्ने झोला सहित चितवनका विद्यालयमा अध्यनरत गरिब तथा बिपन्न बालबालिकालाई प्रदान गरिने संस्थाका संयोजक अजय डिसिले जानकारी दिनुभयो।

डिसीका अनुसार अहिलेसम्म बिगतका बर्षहरुमा गरिएको यस्तै  कार्यक्रमबाट १८०० भन्दा बढी बालबालिका लाभान्वित भइसकेका छन्।

यस बर्ष पनि  १०० भन्दा बढी  विद्यार्थीलाई छात्रवृत्ति प्रदान गरिने बिश्वास व्यक्त  गर्नुभयो । उपहार न्यानो माया र भाग्य बोक्ने झोला कार्यक्रमका लागि स्वैच्छिक रुपमा सहयोग गर्न सकिने समेत डिसिको  भनाइ छ ।

बेटर चितवनले युवा तथा बालबालिकाको क्षेत्रमा बिबिध कार्यक्रम गर्दै आइरहेको छ ।