असोज ३० ,भरतपुर
नेपाल डायरिज र एबी ईभेन्ट्सको आयोजनामा मंसिर ३ गते चितवनको सौराहामा चर्चित नेपथ्य ब्याण्ड गुञ्जिने भएको छ । सौराहामा नै पहिलो पटक हुन लागेको नेपथ्यको कन्सर्टको तयारी तीव्र भईरहेको छ ।
दर्शकका लागि प्याराफिट समेत निर्माण गरिने एबी ईभेन्ट्सका निर्देशक अंकित गौतमले बताए । उनका अनुसार विद्यार्थीका लागि सहुलियत दरको टिकटसहित अर्लि बर्ड, रेगुलर र भिआईपी गरी विभिन्न विधामा टिकटको व्यवस्था गरिएको छ । सहुलियत दरका अर्लि बर्ड टिकटको कोटा समेत सकिन लागेको नेपाल डायरिजका निर्देशक बिनेश थापाले जानकारी दिए । उनका अनुसार सीमित मात्रामा राखिएका अन्य टिकटहरु पनि धमाधम बिक्री भईरहेको छ । कार्यक्रमका लागि फरक फरक विधाका टिकटको व्यवस्था गरिएको थापाको भनाइ छ ।
कन्सर्टमा १० हजार दर्शकले अवलोकन गर्ने आयोजकको अनुमान छ । चितवनसहित छिमेकी नवलपरासी बर्दाघाट सुस्ता पूर्व र पश्चिम, तनहुँ, मकवानपुरलगायतका जिल्लाबाट दर्शकहरु कार्यक्रममा सहभागी हुने आयोजकको अपेक्षा छ ।
कार्यक्रम सौराहास्थित सभाहल अगाडिको सिसुवार मैदानमा दिउँसो ४ बजेबाट सुरु हुनेछ ।
प्रतिकृया दिनुहोस्