सरकारले दियो कालोपत्रको ठाउँमा सिमेन्ट सडक निर्माणलाई प्राथमिकता

---

असोज ३० ,भरतपुर

सरकारले सार्वजनिक खरिदमा स्वदेशी उत्पादन प्रवर्द्धन सम्बन्धी निर्देशिका २०८३ स्वीकृत गरी सडक निर्माणमा बिटुमिनको सट्टा सिमेन्ट प्रयोगलाई प्राथमिकता दिएको छ। निर्देशिकाले उपलब्ध स्वदेशी सामग्री प्रयोग अनिवार्य गर्दै आयातमुखी डिजाइन र विदेशी ब्रान्ड लक्षित सरकारी खरिदमा रोक लगाएको छ।

निर्देशिकामा स्वदेशी सामग्री प्रयोग सुनिश्चित गर्ने जिम्मेवारी निकाय प्रमुख, प्राविधिक, परामर्शदाता र स्वीकृति दिने पदाधिकारीलाई तोकिएको छ।

यस्ता छन् नीतिगत परिवर्तन

१। सरकारी खरिदमा स्वदेशी उत्पादनको प्रयोग अनिवार्य स् निर्धारित गुणस्तर तथा प्राविधिक मापदण्ड पूरा गर्ने स्वदेशी मालसामान र स्थानीय सामग्री उपलब्ध भएसम्म सरकारी निकायले तिनको प्रयोग गर्नुपर्ने व्यवस्था ।

२। आयातमुखी डिजाइन अन्त्य , सडक, पुल, भवनलगायत पूर्वाधार डिजाइन गर्दा उपयुक्त स्वदेशी विकल्प हुँदाहुँदै विदेशी सामग्री प्रयोग गर्नैपर्ने गरी डिजाइन बनाउन नपाइने ।

३। कालोपत्र सडकको स्वदेशी विकल्पलाई प्राथमिकता स् आयातित बिटुमिनमा आधारित कालोपत्रको विकल्पमा प्राविधिक रूपमा उपयुक्त भए स्वदेशी सिमेन्टबाट बन्ने कङ्क्रिट सडक, स्थानीय ढुङ्गा तथा अन्य स्वदेशी निर्माण प्रविधि अपनाउनुपर्ने ।

४। सरकारी भवनमा स्वदेशी निर्माण तथा फिनिसिङ सामग्री स् आयातित ग्रेनाइट, टायल लगायत सामग्रीको सट्टा उपयुक्त स्वदेशी मार्बल, ढुङ्गा, स्लेट र टायल प्रयोगलाई प्राथमिकता । भवन सजावट, विद्युतीय जडान, फर्निचर तथा स्यानिटरी कार्यमा समेत स्वदेशी विकल्प अपनाउनुपर्ने ।

५। गुणस्तरमा कुनै सम्झौता नगरी स्वदेशी उद्योगको प्रवर्द्धन स् स्वदेशी उत्पादन प्रयोग गर्दा गुणस्तर, सुरक्षा, टिकाउपन र प्राविधिक मापदण्ड अनिवार्य रूपमा पालना गर्नुपर्ने । गुणस्तरीय स्वदेशी उत्पादनको बजार विस्तार, औद्योगिक उत्पादन वृद्धि, रोजगारी सिर्जना तथा आयात प्रतिस्थापनलाई प्रोत्साहन गर्ने ।

६। विदेशी ब्रान्ड लक्षित सरकारी खरिदमा रोक स् उपयुक्त स्वदेशी विकल्प उपलब्ध हुँदाहुँदै कुनै विदेशी ब्रान्ड, उत्पादनस्थल वा उत्पत्तिको मुलुकलाई मात्र लक्षित गरी प्राविधिक स्पेसिफिकेसन तयार गर्न नपाइने ।

७। योजना र डीपीआर तयार गर्दादेखि नै स्वदेशी सामग्रीको सुनिश्चितता स् आयोजनाको सम्भाव्यता अध्ययन, डिजाइन, विस्तृत परियोजना प्रतिवेदन ९डीपीआर०, लागत अनुमान र बोलपत्र तयारीकै चरणदेखि स्वदेशी उत्पादन तथा प्रविधिको अधिकतम प्रयोग हुने व्यवस्था ।

८। निर्माण सम्झौतामै स्वदेशी सामग्री प्रयोग गर्ने बाध्यकारी सर्त स् बोलपत्र, प्राविधिक स्पेसिफिकेसन, परिमाण सूची र खरिद सम्झौतामा स्वदेशी सामग्री प्रयोग गर्ने व्यवस्था समावेश गर्नुपर्ने । सम्झौतामा स्वदेशी सामग्री तोकिएपछि स्वीकृतिविना विदेशी सामग्री प्रयोग गर्न नपाइने ।

९। नेपालभरिका स्थानीय स्रोत र उत्पादनलाई राष्ट्रिय बजार स् नेपालभित्र उपलब्ध प्राकृतिक स्रोत तथा कच्चापदार्थबाट उत्पादित वा प्रशोधित निर्माण सामग्रीलाई देशभरिका सार्वजनिक आयोजना तथा सरकारी खरिदमा प्रयोग गर्न सकिने नीतिगत व्यवस्था ।

१०। सरकारी अधिकारी र परामर्शदाताको जिम्मेवारी निर्धारण स् स्वदेशी सामग्री प्रयोग सुनिश्चित गर्ने जिम्मेवारी सम्बन्धित सार्वजनिक निकायका प्रमुख, अध्ययन तथा डिजाइन तयार गर्ने प्राविधिक एवं परामर्शदाता र स्वीकृति दिने पदाधिकारीलाई तोकिएको व्यवस्था।

११। स्वदेशी उत्पादनका नाममा जालसाजी गर्नेमाथि कडा कारबाही स् विदेशी सामग्रीलाई स्वदेशी भन्दै आपूर्ति गर्ने, नक्कली ब्रान्ड वा लेबल प्रयोग गर्ने तथा उत्पादनस्थलको झुट्टा विवरण दिने निर्माण व्यवसायी वा आपूर्तिकर्ताको सामग्री अस्वीकार गर्ने, भुक्तानी रोक्न सकिने तथा कालोसूची र कानुनी कारबाही प्रक्रिया अघि बढाइने ।